women's day marathi shayari | महिला दिन विशेष शायरी |



[  women's day special marathi shayari  ]





Marathi shayari
 |Women's day marathi shayari |



समजू नकोस क्षुल्लक काडीसही कधी तू

ठिणगी तिची पुरेशी औकात समजण्याला



©जयश्री कुलकर्णी





जगण्याच्या रंगमहाली इच्छांचे झुलते झुंबर

चिंतांना उडवित जगतो मनमौजी,मस्तकलंदर.


©अल्पना देशमुख-नायक




सदैव कोरडीच मी पावसात राहिले 

कळेच ना अशी कशी ह्या जगात राहिले


©आशा_पांडे




जिथे न्यून आहे सुगंधी फुलांचे
तिथे कंटकांची प्रजा होत जाते


©आरती पद्मावार ‎





निर्जीव पत्थरावर, मन भाळले कितीदा

त्याच्या सभोवताली, घोटाळले कितीदा


© अरु_तनया




तुला एवढा जीव लावला चुकले माझे

उगीच माझा जीव जाळला चुकले माझे



©अनघा अनघा





मला दु:ख दे, दु:ख दे, दु:ख देवा

सुखाने जळावे असे दु:ख देवा



©बागेश्री देशमुख





वाटेत मुलाच्या वृद्धाश्रमात झिजते आई 

कान्ह्याविण त्या जशी देवकी दिसते आई



©चित्रा कहाते





डोळ्यांत आसवांचा हा कोणता पहारा 

रोमांचितो ऋतू अन् अंगावरी शहारा.



©चंदना सोमाणी.





आज जिंकण्यास तू 

खेळ डाव खास तू



©छाया गोवारी





दिवाणखाने भकास झाले

कुणी न अंतर्मनात भेटे..



©धनश्री किशोर पाटील





मी कशाला दाखवू हे सोसलेले घाव सारे 

येथल्या मी सांत्वनाचे पाहिले लीलाव सारे


© दीपमाला कुबडे




पसरली आज वाऱ्यावर किती चर्चा.

तुझ्या माझ्या करारावर किती चर्चा


©दिप्ती सुर्वे जाधव




उतरली तिच्या ओल डोळ्यात काही

ढवळले कुणी खोल डोहात काही?.


©अन्वी अनिल आठलेकर




अद्याप काळजाशी जपलेत वार काही

शत्रूत मोजते मी माझेच यार काही



© अमृता साळुंके जोशी





जीव ओवाळून टाकावा तुझ्यावर

एक होवू दे , जखम माझ्या मनावर


©अश्विनी विटेकर




ना भेदभाव कुठला ना जातपात राहो

देशात बांधवाचे हातात हात राहो


©अनिता बोडके




रिते कुंभ झाले रित्या या पखाली

कुठे पेटवाव्या सुखाच्या मशाली


©अलका देशमुख




सत्य सोडुनी दूर धावते त्या स्वप्नाचे काय करू मी

स्वप्नांना जे वाव न देते त्या सत्याचे काय करू मी


©डॉ.अमिता गोसावी




विस्कटले घर कसेबसे आवरता येते

विस्कटले मन पुन्हा सजवणे सोपे नसते.

©अश्विनी आपटे




गेला पाऊस अगदी नुकता नुकता 

भरून आला श्वास पुरातन नुकता नुकता


©अनुराधा_साळवेकर





लिहिलेल्या ओळींची गझल झाली पाहिजे 

सोसलेली वेदना सफल झाली पाहिजे.


©दीपाली कुलकर्णी




संकटांचा आज सरला प्रहर बाई 

भोगलेले, सोसलेले विसर बाई.



©फातिमा_मुजावर





घडलेच असे काही की, प्रश्नात अडकले नाही

उत्तरे मिळवण्यासाठी नजरेत उतरले नाही


©बावरी




स्वप्नांच्या वाटेवर जगणे जमले नाही 

सत्याला सामोरे जाणे जमले नाही..



©ज्योती_मार्जनी





ना तिला घर दार वा ना कोणताही सातबारा

काढला आहे कुणी का माळरानाचा उतारा ?



© ज्योत्स्ना चांदगुडे





माझिया गात्रामधूनी धावणारा श्वास तू

की मला बेचैन करणारा मनाचा भास तू ?.


©गाथा जाधव




वेदना जेव्हा उरी गर्भार होते

कागदावर मग गझल साकार होते



©सौ. हेमलता पाटील.





सरसरते स्वप्न कसे तापतात आजही 

सळसळते रक्त कसे तापतात आजही.



©हंसिनी उचित,





उत्तरासाठीच होता प्रश्न तो मी मांडला 

जो शिताफीने असा तू ऐनवेळी टाळला.


©ज्योती_रत्नाकर_राव_बालिगा




हे बंध रेशमाचे सोडून टाकले मी

नावापुढील नावच खोडून टाकले मी

©सौ .ज्योत्स्ना राजपूत




घेते अशी परीक्षा अंदाज येत नाही

नियती कधी कुणाला पर्याय देत नाही


©जयश्री कुलकर्णी





विरक्ती जराशी तुलाही मलाही

शिसारी सुखाची तुलाही मलाही



©जयश्री अंबासकर





हे गझलवेड माझे माझा परीघ आहे

आरंभ हाच होता, येथेच अंत आता


@क्रांति साडेकर.




ओठ रंगवुन खिडकी बसली

रस्ता जेव्हा दलाल झाला


©कविता क्षीरसागर.




सौदामिनी नभीची साकार होत आहे 

हर एक श्वास माझा एल्गार होत आहे .


©किर्ती वैराळकर इंगोले




ज्यांच्या मनात आहे काळोख दाटलेला 

त्यांच्यासवे कसा हा आम्ही प्रवास केला


©कविता डवरे लाहुडकर




शिंपला कोणी सडा हा चांदण्यांचा अंबरी

ओंजळीभर वेचुनी घ्यावा बघा कोणीतरी


©सौ. किरण पिंपळशेंडे




खरेच माझा जगावयाचा विचार होता

कुणीतरी पण खुडून नेला बहार होता


©काश्मिरा पाटील.




ठेवला विश्वास होता मी पुन्हा या पावसावर

व्हायचे जे, तेच झाले घात झाला पेरल्यावर


©कांचन कानतोडे



आले जमून सारे आसू उनाड माझे 

डोळ्यातल्या सरींना उघडे कवाड माझे.


©ललिता_बांठिया



कित्येक वादळांना मी बंदिवान केले

दु:खास रोज माझ्या आयुष्यमान केले.

©क्षितिजा आरती




जिथे पाखरांचे थवे पाहिले मी 

तुला पाखरांच्या सवे पाहिले मी

©मीना_शिंदे




आज माझ्या वेदनेला काय मोठा भाव आला

प्रेत माझे देखण्याला यच्चयावत गाव आला


©मेघा देशपांडे


Post a Comment

0 Comments